عدالت میں کارروائیاں بھی مختلف ہیں اور اس بات کے مطابق ہیں کہ حیثیت دینے سے انکار کے فیصلہ کے پہلے کس طرح کی رفیوجی کارروائی کی گئی ہے-
اگر انکار کے فیصلہ میں اپیل کرنے کا ٧ دن کا عرصہ لکھا گیا ہے اس کا مطلب ہے کہ فیصلہ فوری رفیوجی کارروائی یا پناہ کی اگلی درخواست کے ملاحظہ کے بعد کیا گیا ہے-
اگر انکار کے فیصلہ میں اپیل کرنے کا ١٤ دن کا عرصہ لکھا گیا ہے اس کا مطلب ہے کہ فیصلہ بلغاریہ میں پناہ اور حیثیت کی درخواست پر عام رفیوجی کارروائی کے بعد کیا گیا ہے-
جب آپ فوری کارروائی میں حاصل کئے گئے انکار کے خلاف اپیل کرتے ہیں تو وہ اپیل اس عدالت کے ملاحظہ میں آتی ہے جو آپ کے رجسٹریشن کارڈ میں لکھے ہوئے پتہ کے علاقہ میں ہے- اس عدالت کا فیصلہ حتمی ہے-
وہی حالت ہے جب آپ اپنی دوسری، تیسری یعنی اگلی درخواست پر حاصل کئے گئے انکار کے خلاف اپیل کرتے ہیں- وہ اپیل اس عدالت میں ملاحظہ میں آتی ہے جو آپ کے رجسٹریشن کارڈ میں لکھے ہوئے پتے کے علاقہ میں ہے- عدالت کا فیصلہ اس کارروائیں میں بھی حتمی ہے-
جب آپ عام کارروائی میں حاصل کئے گئے انکار کے خلاف اپیل کرتے ہیں تو وہ اپیل دو عدالتوں میں ملاحظہ میں آتی ہے جس کا مطلب ہے کہ اگر آپ پہلی عدالت کا فیصلہ قبول نہ کریں تو اس کے فیصلہ کی اپیل سپریم ایڈمنسٹریٹو کورٹ میں کر سکتے ہیں-
پہلی عدالت کا فیصلہ نجی طور پر ملتا ہے، عام طور پر ایک پیغام بر (کریئر) کے ذریعے جو عدالت میں کام کرتا ہے- وہ پیغام بر اس پتہ پر آتا ہے جو عدالت میں درج کی گئی درخواست میں لکھا ہوا ہے- اس لئے اہم ہے کہ درخواست پیش کرنے کے بعد اگر آپ کو اپنا پتہ بدلنا پڑے تو عدالت میں اس بات کا تحریری اطلاع دیں- عدالت کے لئے نئے پتہ کا ذکر کرتی ہوئی نئی درخواست لکھنے کی مدد کے لئے آپ ہیلسنکی کمیٹی کے وکیلوں سے یا اپنے سرکاری وکیل سے رابطہ کر سکتے ہیں- اگر آپ تحریری طور پر عدالت کو اپنے نئے پتہ کا اطلاع نہ دیں تو ممکن ہے کہ آگے والی عدالت میں اپیل درج کرنے کا آپ کا حق بند ہو (اگر پہلے والی عدالت کا فیصلہ آپ کو منظور نہیں ہے اور آپ آگے اپیل کرنا چاہتے ہیں)-
عدالت میں آپ کو آپ کی زبان بولنے والے ترجمان سے کام لینے کا حق ہے- اگر آپ ترجمان کی بات نہیں سمجھتے یا وہ آپ کی زبان اچھی طرح نہیں بولتا تو آپ کو یہ حق ہے کہ آپ جج سے یہ کہیں اور دوسرے ترجمان کے بارے میں پوچھیں-
عدالت میں آپ کو تمام ڈاکومنٹ یا کوئی اور ثبوت پیش کرنا ہے جو آپ کے پاس موجود ہیں اور جن سے آپ اپنی شخصیت اور بیان کی تصدیق کر سکتے ہیں- اگر اپنے اصل ملک کو چھوڑنے کے وجوہ اور بلغاریہ میں پناہ اور حیثیت مانگںے کے وجوہ کے لئے آپ کے پاس کوئی ثبوت ہو اسے عدالت میں ضرور پیش کریں- اگر جج کوئی ڈاکومنٹ لینے سے انکار کرے تو آپ زد کریں کہ وہ ڈاکومنٹ کو لے کیوں کہ یہ آپ کا حق ہے-
اگر عدالت انکار کے خلاف اپیل کو قبول کرے – جج رفیوجی ایجنسی کو حکم دے گا کہ وہ آپ کے کیس پر پھر تخمینہ کرے اور بلغاریہ میں پناہ حاصل کرنے کی آپ کی درخواست پر نیا فیصلہ کرے- اس صورت میں ممکن ہے کہ انٹرویو کرنے والا افسر آپ کو اضافی انٹرویو کے لئے بلائے-
اگر عدالت انکار کے خلاف اپیل کو نا قبول کرے – آپ کو سپریم ایڈمنسٹریٹو کورٹ میں اس فیصلہ کی اپیل کرنے کا حق ہے- لیکن آپ کا یہ حق صرف تب موجود ہے اگر آپ کے کیس کا ملاحظہ عام کارروائی میں کیا گیا ہو- اگر رفیوجی ایجنسی سے آپ کے کیس کا ملاحظہ فوری کارروائی میں یا پناہ کی آپ کی اگلی درخواست کے بعد کیا گیا ہو تو آپ سپریم کورٹ میں اپیل نہیں کر سکتے اور پناہ اور حیثیت کے انکار کا فیصلہ حتمی ہو جاتا ہے- اس صورت میں بلغاریہ میں پناہ متلاشی کے طور پر آپ کے حقوق بند ہوتے ہیں اور ممکن ہے کہ آپ کو آپ کے اصل ملک میں واپس (ڈیپورٹ) کر دیا جائے-
